بتهـون واللي لك خلق والليل أقسـم لا سجى
........................دنـيــاك لا يـمـكــن تدوم بحـــال لو بـك ضـايقة
كل إذا ضـاقـت عليـه لـمـن يفــرجهـــا لـجـا
........................نرجيـه بيديـه الفــرج ما فـيــه شي عـــايـقــه
من هو الذي في دنيته من حزن او هـم نجى
.....................كــاس عـلـيـنـا وبـيــدور الكـــــل مـنــا ذايـقــه
لو كـان لك هــــم كـبـيـر الله أكـبـر والـرجــا
........................انـه يعـجـــل بالفــرج الهــــم ماحــــد طــايقـه
الليل بعـــده لـك صبـاح بـنـور شمسه للدجى
...............بـيـعـــم هـــذي دنـيـتــك ما هي بـدايـــم رايـقـة
عندي طلب أو بالأصـــح يالغالية عندي رجـا
........................ارجوك لا اشوفك كــذا مـهـمــا حصل متضايقة
ارجوك لو لي به غــلا والله وحـــده يرتجـى
........................رحمته توسع كل شي ما ندري وش لك سايقه
من ضيقتك لا شك اضيق الهـم هـذا هو وجا
........................وراحتي تـحـــــرم علي ما ذقتي قلبي ذايـقــه
الشعـــر لعيونـك وبك كله ولـك حتى الهجــا
........................اللـي بينوي يضــايـقـك منـي يجـي ما ضـايقه
الرئيسية 
